الأربعاء، أكتوبر 24، 2018

وصفه لذيذه لفطور لطيف🌿✨



الســـلام عليكم جميعاً

أخيراً رجعت للمدونة بتدوينه لطيفه وممتعه 

جبت لكم طبق فطور جداً لذيذ 
وسهل مايآخذ من وقتكم الكثير شفت له أكثر من فيديو باليوتيوب 
واللي هي وضع البيض بكيس نايلون وتضيفينه لماء مغلي بقدر صغير 
رهيييب جداً .. وصفات البيض ما تقاوم 🤩

 🍳
" مقادير الوصفه "
- بيض 
- رشة ملح
- رشة فلفل أسود
رشة أوريغانو
- رشة بودرة الثوم 
- ورق ريحان مجفف 
- زيت زيتون أو بخاخ الزيت
- جبن موزريلا
- شوية بقدونس أو جرجير

هذا شكل بخاخ الزيت اللي استخدمه 👆🏻

" طريقة تحضيرها "

- أول شي نجهّز كوب ونغلفه بكيس نايلون الشفاف وبطريقة تسمح إنك تصبين فيها البيض 
مثل الشكل هذا👇🏻
- بعدها تضيفين زيت الزيتون أو تستخدمين بخاخ الزيت وتبخين عليه بشكل سريع
- تخلطين ( البيض ، الملح ،الفلفل ، الأوريغانو ، بودرة الثوم ، ورق ريحان ) وتصبينه بكيس النايلون
- إذا تحبين حجمهم صغير أو كبير بإمكانك تحددي الكمية اللي تحتاجينها > أنا من العجز سويته دفعه وحده 🤣
بعد ماتنتهين من صب الخليط تربطين طرف الكيس حتى ما يتسرب البيض 
- وقتها تكونين مجهّزه قدر صغير فيه ماء ولما يبدأ الماء يغلي نزلي الكيس بالماء واتركيه حتى يستوي
( وهذا راجع لك إذا تحبين يكون من الداخل مو مستوي أو شبه مستوي بالنسبه لي ما أحب البيض النيء فتركته يستوي كله🚶🏻‍♀️)
راح يبان معاك إذا استوى بالشكل الكافي أو لا 👇🏻
- تحمصين شريحة توست وتضيفين فوقه شوي جبن موزريلا  
بعد ما ينتهي تطلعينه وتقصين طرف الكيس المربوط وتفكينه على شريحت التوست والموزريلا
* طبعاً حرارة البيض بتذوب الموزريلا .. وتضيفين فوقه شوي بقدونس أو جريجير (اللي حابته) 
وقليل من جبنة بارميزان فوقه اذا حابه أو بإمكانك تستغنين عنه

بإمكانك تضيفين هذا الصوص >إذا حابه🤭
( كاتشب ، مايونيز ، صلصة فرنسية ،صلصة البافلو
شويه من كل شي

🍃
له أكثر من طريقه لإعدادها على اليوتيوب وهنا طريقه سهله وسريعه بس هنا سوا البيض من دون أي إضافه 
 > ما اسعفني الوقت اصور فيديو 🤦🏻‍♀️
👇🏻



#صورة أخيره للطبق 🤤🤩✨


وبسس وبكذا استمتعنا بإعداد فطور لطيف وخفيف وأيضاً لذيذ😋🌿
وبالعـــافية عليكم 🤤💛✨

وشكراً لوقتكم 💛🍃

هناك تعليق واحد:

  1. اهلاً، تسلم يدك 💗
    اعترف فطوري المفضّل هو البيض لكن بصراحة الوصفة أحسّها جهد بلا مبرر 🙈😁 نايلون و كاس و ماءمغلي، بالرغم أن المقلاة تقوم بكل الشغلة بسهولة و يسر و لا ايش رايك؟
    كامل تقديري لتدوينتك اللطيفة

    ردحذف

تذكر قوله تعالى:
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏