السلام عليكم ورحمة الله 

كيفكم من زمان ما تحمست مثل كذا ونزلت تدوينه لطبخ xD
المهم هالطبخه لذيذه لقيته من زمان بالبينترست ومقاديره مو متأكدة منها 
لكن قررت انزلها اليوم وبالعافيه عليكم مقدماً ^-^




المقادير:
  • زيت زيتون
  • بيض (على حسب عدد الاشخاص)
  • بصل (مقطع شرائح رفيعه)
  • فلفل رومي أخضر (مقطع شرائح رفيعه)
  • ثوم (مفروم)
  • طماطم (مقطع شرائح رفيعه) 
  • قليل من الملح والفلفل الأسود مطحون
  • بهارات مشكله (او بإمكانك تستغنين عنها) 
  • صلصة الصويا
  • جبنة الموزاريلا و التشيدر (مبشور)
  • بقدونس (مفروم)


طريقة بودنج البيض 
  • توضع في المقلآة قليل من زيت الزيتون 
  • تشوحين فيه الثوم والبصل  لين يتكرمل او يتغير لونه للشفاف او الاصفر
  • بعدها تضيفين عليه الفلفل الأخضر والطماطم وتحركينه لين يذوب تجهزين البهارات المطلوبه 
  • والاهم لاتنسيين الملح والفلفل الأسود وصلصة الصويا 
  • لما ينتهي تكونين مجهزه قوالب البودنج أو السوفليه تضيفين بكل صحن ملعقه كبيره او ثنتين من الصلصة
  • تكسرين بيضه بكل صحن اذا ودك يكون شكله بالصحن مثل بيض العيون لاتحركين الصفار واذا تبين تحركينه مع الصلصه لك الحريه 
  • اذا انتهيتي توزعين جبنة الموزاريلا والتشيدر عليه
  • تكوني مجهزه بقدونس مفروم تحطينه كزينه وتدخلينه الفرن من تحت لين يستوي ومن فوق عشان يتحمر وتقدمينه

       وبالعافيه عليكم …*