السلآم عليكم ورحمة الله وبركآته 
صبآحكم سسعيد



اليوم بتكلم لكم عن

 "التصوير | Photography"

التصوير هالمجآل جديده عليه يعني تقريباً من سنه ونص 
لكن حبيته وتعلمه سريع ..!✨

التصوير بهالوقت صآر جزء من روتين النآس لكن مو سبب بتعلقي فيه لأني من سنه وأنآ أصور بجوآلي "Galaxy Note 2"
يعني كثير من صديقآتي أو أحد أعرفه يتحمسون مع التصوير ويشترون كآم احترآفي سوآء كآن "كآنون أو نيكون
وبالأخير يغبر بكرتونه 🌝
قلت بتكون بدآيتي بجوآلي لأن تصويره جميل وإذآ حسيت إني في تطور مستمر وتعلقت فيه اشتريت كآم احترآفيه 👌🏻
وبدأ مشورآري فيه وبقولكم عن سر تعلقي بالتصوير وانفتاني فيه لأني أول ما فتحت الانستقرآم كآن ممل بالنسبه لي وعجزت اتقبله 
لكن 3حسآبآت تآبعتهم مصآدفه وهالحسآبآت الثلآث كآنوآ مصدر إلهآم لي بالتصوير 
بقولكم اسمآءهم مع حسآبآتهم 
رنآ الحكمي CoffeeWinter@  وحمد HAMAD16@ ومهآوي تشآن MahawiChan@
انفتنت بتصويرهم وجوهم ومن يومي إلى هذآ اليوم وأنآ ممتنه لهم جد 
ولآ كنت متخيله بيوم إني أكون مصوره وايضاً كنت اتآبع من زمآن حسآبآت بالتمبلر اجآنب اعجبني تصويرهم وطرق تصويرهم غير الاضآءة والدقة والتكوينآت وهذآ اللي شجعني اني اشري كآم احترآفي 
بديت بتقليدهم بالنوت2 ولحد مآ طلبت من أهلي يشترون لي كآم وأنآ مرتآحه لأني طول السنه والنص
أحآول اعمل درآسة لنفسي هل بتعلم واطور نفسي بالتصوير ع الكآم أو أني اسحب عليه وامل منه بسرعه
واندم اني شريته لمآ اقتنعت اني بتعلم ومآرآح امل وارميه توكلت على الله وشريته 

اول ما مسكت الكآم حسيت بشعور جميل  صرت اكتب اسم العدسآت اللي شريتهم معه بقوقل
وأعرف تستخدم لأيش واتعلم من اليوتيوب فتحت العدسة والايزو و...إلخ 
وكل يوم اتعلم اشياء جديده واستكشف الكآم وطريقة استخدآمه والحمدلله حسيت اني ملمه فيه من كل النوآحي 

سمعت بدوره للتصوير الفوتوغرآفي بعنيزه ومدتهآ 3أيآم 
قلت أسجل بالدوره يمكن فيه اشيآء اجهلهآ وحقيقة مآ كآن فيهآ شي غريب إلا التطبيق العملي فقط 
وبصرآحه كآن ممتع جداً وخصوصاً التصوير بالاستديو حسيت ان وجوده مهم للي حآب يوسع مجآله بالتصوير 
بعطيكم صوره من اللي طبقته باستديو الدوره 🤭



أكثر من كذآ اغرآء ما ششفت XD
ومن وقتهآ وأنآ أحآول انوع بالتصوير لكن مشكلتي هي الأفكآر يعني القى فكره اذا بديت بتطبيقهآ أمِل بسرعه 
واتمنى مشكلتي تنحل بسرعه لأني نآويه اشتري استديوآ وأوسع مجآلي بالتصوير وأدمجه بالتصميم والرسم 
في أمآن الله