السبت، فبراير 28، 2015

بدآيآتي | Beginnings {الرسم}




السلام عليكم ورحمة الله
كيفكم وكيف البرد معآكم 3: 

كآن بخآطري أنزل التدوينه ذي من زمآن 
يالله ما علينا 

أنآ دخّلت نفسي بمجآلآت كثيره 
أبدأها بــ 
 
الرسم هو عشق الطفوله بديتهآ كموهبه الله رزقني فيهآ وهذآ بالتحديد مآ يميزني بالعآئلة xD
وركزت فيه أكثر من أول متوسط صآر هآجسسي الوحيد وأكثر الحصص الدراسية متعه لي 
وأفرح كثير لآ خلصت قبل الفصل وتقولي المعلمة " ساعدي زميلآتك "هنآ أنبسسط كثير وأحس نفسي ششخصية مهمه xD
أكثر رسسمه كنت أحب أرسسمهآ العيون وانآ مميزه برسمه لدرجة لآقلت لأحد قآعدة أرسم يقولون لي "أكيد ترسمين عيون"
المشكلة ان الهاردسك حقي طير كل شي كنت حافظته فيه كَـذكريات لي 
وإلا كان نزلت الصور :"( 
وأستمر حب رسم العيون إلى الآن وصرت أشآرك بمسآبقآت المدرسة والحمدلله المركز الأول هو مكآني
ومآكنت أهتم بدخول المسآبقآت إلا بالثآنوي مع إصرار معلمة التربية الفنية طبعاً وإلا ماكنت ششجآعه إني أشارك فيهم
طبعاً بذي الفتره طموحي بسيط وهدفي أبسط ولسى ما واجهت صعوبه فيها أبداً 
وفي الثآنوي بديت أفكر بمستقبلي أكثر وأكثر حسيت أن الرسم مو كآفي لي
مع أني لهذا الوقت ما وقفت تعلمي له صرت ادخل مواقع وآخذ دروسي من اليوتيوب لحد ماتحسنت فيه ولسى بستمر بالتعلم 

في الكلية كتب الله لي ادخل تخصص تربية فنية بالنسبةة لي كآنت تجربة سيئة وتمنيت اني مآ دخلته كنت حآبه ادخل بقسم الفنون التشكيلية أو تصميم ديكور دآخلي لكن الأهل منعوني لأني بالقصيم والقسم اللي بدخله بالريآض فقآلوا ادخلي أي تخصص عندنآ بالقصيم فهذآ أول عآئق اتعرض له بحيآتي ووآجهت صعوبه بتقبل الأمر
لكن قلت بنفسي "ما عليه يآ أمجاد ماتدرين وش الخيره فيه و القآدم أفضل بإذن الله"
كملت تخصصي طبعاً تخصصي تربوي فعشآن كذآ المواد التربوية كآنت اكثر من العمليه غير مواد التخصص اللي ما عطوه حقه يعني ما حصلت شي غير التحلطم والاخلاق القافله ><" 
وتدرجت فيهآ بالرسم من "الرصآص , للبآستل , للألوآن المآئية , للأكريلك ’ للزيتية"
فهذآ أفضــل شي بالقســم مع العلم ان مافي أحد علمني المطلوب في كل محاضره
أي صوره توآفق عليها المُحَآضِره وانتي أبدأي بشغلك 
يعني ما في خطوآت تدربك عليهآ وعلى مايقولون "كلنٍ وموهبته
يعني اللي بِيقول حلو تخصصك كذآ اكيد أنتي فنانه
فأنا بقوله "خطأ هالتخصص الكل دخل فيه مو شرط أي وحده تخرجت بهالتخصص معناته طلعت فنانه "
 .. لآ .. كل وحده بتبدع بالمجآل اللي تحبه لكن سآلفة ان اي وحده تتخصص بذا المجآل فنآنه ماشفت كثير ابدعوا بالقسم مع الأسسف عددهم قليل بمقآرنة مع البقيه ... 
وقبل 5سنوآت تقريباً دخلت عآلم الرسم الرقمي وعرفت بذآك الوقت ان الرسم مجآله واسسع جداً فررت اني اجربه بدايتي فيه ما كآنت حلوه ابد 

هذي صوره لتآبلتي 


من مآركة 
l a p a z z

شريته قبل 5سنوآت من جرير وكآن جهآز التآبلت الوحيد اللي يشتغل على نظآم ويندوز7
جميل جداً للي يحب يدرب نفسه ع الرسم الرقمي يعلمك الصبر صدق x3
من يوم شريته وانا ادرب نفسي لحد ما اتقنته عشان كذآ فكرة شرآء تآبلت جديد تخليني آخآف من تكرآر نفس التجربه 
بعطيكم 3رسمآت من رسمآتي الرقميه 



 وهنآ انتهي من تدوينتي عن بدآيآتي بالرسم 
إن شآء الله أكون أفدتكم بشي 
واعتذر على الكلآم الطويل
في أمآن الله  

تدوينتي 


هناك 4 تعليقات:

  1. مبدعه ماشالله

    ردحذف
  2. الرسم آه يالرسم ..
    اعتقد اكثر موهبة يُحسد عليها صاحبها ، مشكلتها إذا م حافظتي عليها تطير منك وصعب ترجع ..

    أنا رسّامة سابقة ، كنت اشوف نفسي مبدعة جداً إلين صرت ادخل الانستقرام واتفرج رسمات الناس ، ماصرت اشوف نفسي شي .. وبطلت ارسم ..

    خاطري الآن ارجع اتدرب واعطيه حقه أكثر ..❤

    ردحذف

تذكر قوله تعالى:
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏